Organizatat bamirëse në Jemen ka dhënë alarmin, pasi rasti i parë me koronavirus është konfirmuar në Jemen.

Vendi i shkatërruar nga lufta civile, nuk ka asnjë sistem të rregullt shëndetësor, transmeton portal arbresh.info

Oxfam e ka quajtur rastin ‘goditje shkatërruese’, ndërsa Komiteti Ndërkombëtar i Shpëtimit e quajti atë ‘skenar makthi’.

Jemeni po vuan krizën më të keqe humanitare në botë dhe miliona njerëz mbështeten në ndihmën ushqimore.

“Mbi 100 mijë të vdekur që nga fillimi i luftës në Jemen”

Vendi tashmë është duke përballur me sëmundje të ndryshme, si kolera dhe malaria dhe vetëm gjysma e spitaleve janë funksionale.

Lajmet për rastin e parë Covid-19 erdhën një ditë pasi koalicioni i udhëhequr nga Sauditë duke luftuar rebelët Houthi në Jemen filloi një armëpushim, duke thënë se dëshironte të ndihmonte në ndalimin e përhapjes së koronavirusit dhe të mbështesin përpjekjet e paqes të OKB-së.

Sipas zyrtarëve në Jemen, personi i konfirmuar me Covid-19 është një 60 vjeç në rajonin jugor të prodhimit të naftës në Hadramaët.

Autoritetet kanë mbyllur portin ku punonte burri dhe kanë kërkuar nga punonjësit e tjerë që të izolohen.

Banorët në Jemen vuajnë edhe për higjenën, pasi uji dhe sapuni konsiderohet luks në vendin e shkatërruar nga lufta civile./arbresh.info/